विश्वकप फुटबलको पहिलो सेमिफाइनलमा अर्जेन्टिनाले क्रोएसियाविरुद्ध २–० गोलको अग्रता बनाएको छ । अर्जेन्टिनाका लागि कप्तान लियोनल मेस्सी र जुलियन अल्भारेजले गोल गरेका छन् ।

कतारको लुजेल रंगशालामा जारी खेलमा अर्जेन्टिनाले पहिलो हाफमा नै २–० गोलको अग्रता बनाएको हो । खेलको ३२औँ मिनेटमा जुलियन अल्भारेजलाई क्रोएसियाका गोलकिपर डोमिनिक लिभाकोभिचले डिबक्सभित्र फोउल गरेपछि अर्जेन्टिनाले पेनाल्टी पाएको थियो । पेनाल्टीको सदुपयोग गर्दै मेस्सीले अर्जेन्टिनालाई १–० गोलको अग्रता दिलाए ।

खेलको ३४औँ मिनेटमा पेनाल्टीबाट गोल खाएको क्रोएसिया दबाबमा आएको थियो । खेलको ३९औँ मिनेटमा अल्भारेजले सुन्दर गोल गर्दै अर्जेन्टिनालाई २–० गोलको अग्रता दिलाएका हुन् ।