कतारमा जारी विश्वकप फुटबलको अन्तिम क्वार्टरफाइनलमा इंग्ल्यान्डविरुद्ध फ्रान्सले सुरुआती अग्रता बनाएको छ ।

२०१८ को विश्वकप विजेता फ्रान्सले इंग्ल्यान्डविरुद्ध १–० गोलको अग्रता बनाएको हो । कतारको अल बेत रंगशालामा जारी खेलको १७औँ मिनेटमा फ्रान्सले गोल गरेको हो । फ्रान्सका लागि औरेलिन चौमेनीले गोल गर्दै फ्रान्सलाई १–० गोलको अग्रता दिलाएका छन् ।

फ्रान्सले प्रिक्वार्टरफाइनलमा पोल्यान्डलाई ३–१ गोलले पराजित गर्दै क्वार्टरफाइनलमा स्थान बनाएको हो । इंग्ल्यान्डले सेनेगललाई ३–० गोलले पराजित गर्दै क्वार्टरफाइनलमा पुगेको थियो ।

फ्रान्स  र इंग्ल्यान्डबीचको विजेताले फाइनल प्रवेशका लागि मोरोक्कोसँग सेमिफाइनलमा खेल्नेछ ।