दक्षिण कोरियाले विश्वकप फुटबलअन्तर्गत समूह ‘एच’ को आफ्नो अन्तिम खेलमा पोर्चुगलविरुद्ध गोल फर्काएको छ ।

कतारको एजुकेशन सिटी रंगशालामा जारी खेलमा १–० गोलले पछि परेको दक्षिण कोरियाले गोल गर्दै १–१ को बराबरी बनाएको हो । 

खेलको पाँचौँ मिनेटमा रिकार्डो होर्टाले गोल गर्दै पोर्चुगललाई १–० को अग्रता दिलाएका थिए । यो गोलसँगै दक्षिण कोरिया भने दबाबमा आएको थियो । तर उत्कृष्ट प्रदर्शन गर्दै किम योङ वोनले गो गर्दै दक्षिण कोरियालाई १–१ को बराबरी दिलाएका छन् ।

एक खेलअघि नै विश्वकपको नकआउट चरणमा पुगिसकेको पोर्चुगल दक्षिण कोरियालाई पराजित गर्दै समूह विजेता बन्ने लक्ष्यमा छ । यता, दक्षिण कोरिया पनि पोर्चुगललाई पराजित गर्दै समूह उपविजेता बन्दै विश्वकपको नकआउट चरणमा पुग्ने लक्ष्यमा छ ।

पोर्चुगलले आफ्नो पहिलो खेलमा घानालाई ३–२ गोलले पराजित गरेको थियो । दोस्रो खेलमा उरुग्वेलाई २–० गोलले पराजित गर्दै पोर्चुगलले अन्तिम प्रिक्वार्टरफाइनलमा यसअघि नै स्थान बनाइसकेको थियो ।

यसै समूहको अर्को खेलमा घानाविरुद्ध उरुग्वेले २–० गोलको अग्रता बनाएको छ ।