सन् १९३० देखि अहिलेसम्म भएका विश्वकपमध्ये सबैभन्दा बढी कुन विश्वकपमा दर्शकले रंगशाला गएर खेल हेरे होलान् ? धेरैमा कौतुहलता हुन सक्छ ।

सन् १९९४ मा अमेरिकामा भएको विश्वकप फुटबलमा ३५ लाख ८७ हजार ५३८ जना दर्शकले मैदानमा गएर खेल हेरेका थिए । यो नै विश्वकप फुटबल इतिहासमा सबैभन्दा बढी दर्शक मैदानमा गएर हेरेको तथ्य हो । २०१८ रसियामा भएको विश्वकपमा ३० लाख ३१ हजार ७६८ जनाले विश्वकप फुटबल मैदानमा गएर हेरेका थिए । अमेरिकामा भएको विश्वकपमा जम्मा ५२ खेल मात्र थियो भने रसिया विश्वकपमा ६४ खेल थियो । तर २४ वर्षपछि पनि अमेरिकाको विश्वकपमा भन्दा पाँच लाख थोरै दर्शकले रसियामा भएको विश्वकप हेरे ।

पहिलो विश्वकपमा पाँच लाख ९० हजार ५४९ जना दर्शकले रंगशालामा गएर खेल हेरेका थिए ।