उरुग्वेलाई पराजित गर्दै पोर्चुगल विश्वकपको प्रिक्वार्टरफाइनलमा प्रवेश

पोर्चुगलले उरुग्वेलाई पराजित गर्दै विश्वकप फुटबलको प्रिक्वार्टरफाइनलमा प्रवेश गरेको छ ।
कतारको लुजेल रंगशालामा पोर्चुगलले उरुग्वेलाई २-० गोलले पराजित गरेसँगै लगातार दोस्रो जित निकाल्दै विश्वकपको अन्तिम १६ मा स्थान बनाएको हो । योसँगै पोर्चुगलले एक खेलअघि नै विश्वकपको नकआउट चरणमा स्थान बनाएको छ ।
उरुग्वेविरुद्धको जितमा ब्रुनो फर्नान्डेजले दुई गोल गरे । पहिलो हाफसम्म गोलरहित बराबरी खेलेको पोर्चुगलले दोस्रो हाफमा दुई गोल गर्न सफल भयो । खेलको ५४ औँ मिनेटमा ब्रुनो फर्नान्डेजले गोल गर्दै पोर्चुगललाई १-० को अग्रता दिलाए ।
खेलको इन्जुरी समयको तेस्रो मिनेटमा पेनाल्टीबाट गोल गर्दै ब्रुनो फर्नान्डेजले पोर्चुगललाई २-० को जित दिलाए ।
यो जितसँगै पोर्चुगलले दुई खेलबाट ६ अंक बनाएको छ । यता, पराजित उरुग्वेको भने दुई खेलबाट एक अंक छ ।
प्रकाशित मिति:मंगलबार, मंसिर १३, २०७९ ०२:४४
प्रतिक्रिया दिनुहोस्
अंक तालिका