सर्वियाले विश्वकप फुटबलको समूह ‘जी’ को जारी खेलमा क्यामरुनविरुद्ध उत्कृष्ट पुनरागमन गर्दै ३–१ गोलको अग्रता बनाएको छ ।

कतारको अल जानौब रंगशालामा पहिलो हाफसम्म २–१ गोलको अग्रता बनाएको सर्वियाले दोस्रो हाफमा पनि गोल गर्दै ३–१ गोलको अग्रता बनाइसकेको छ । खेलको २९औँ मिनेटमा जियान चार्ल्स कास्टेलेटोले गोल गर्दै क्यामरुनलाई १–० गोलको अग्रता दिलाएका थिए । तर सर्वियाले पहिलो हाफको अन्तिम समयको दुई मिनेटमा दुई गोल गर्न सफल भयो ।

सर्वियाका स्ट्राहिन्जा पाभ्लोभिचले पहिलो हाफको इन्ज्युरी समयको पहिलो मिनेटमा गोल गर्दै १–१ गोलको बराबरी दिलाए । इन्ज्युरी समयको तेस्रो मिनेटमा सर्ज मिलिनकोभिच साभिचले गोल गर्दै सर्वियालाई पहिलो हाफसम्म २–१ को अग्रता दिलाएका थिए ।

खेलको ५३औँ मिनेटमा एलेक्सजेन्डर मिट्रोभिचले गोल गर्दै सर्वियालाई ३–१ गोलको अग्रता दिलाएका छन् ।