सर्वियाले विश्वकप फुटबलको समूह ‘जी’ को जारी खेलमा क्यामरुनविरुद्ध गोल फर्काउँदै पहिलो हाफसम्म २–१ को अग्रता बनाएको छ ।

कतारको अल जानौब रंगशालामा सर्वियाले पहिलो हाफको अन्तिम समयमा दुई मिनेटमा दुई गोल गर्न सफल भयो । खेलको २९औँ मिनेटमा जियान चाल्र्स कास्टेलेटोले गोल गर्दै क्यामरुनलाई १–० गोलको अग्रता दिलाए । 

सर्वियाका स्ट्राहिन्जा पाभ्लोभिचले पहिलो हाफको इन्ज्युरी समयको पहिलो मिनेटमा गोल गर्दै १–१ गोलको बराबरी दिलाए । इन्ज्युरी समयको तेस्रो मिनेटमा सर्ज मिलिनकोभिच साभिचले गोल गर्दै सर्वियालाई २–१ गोलको अग्रता दिलाए ।

यसअघि आ–आफ्नो खेलमा पराजित भएको सर्विया र क्यामरुनलाई आजको खेल जित्नै पर्ने दबाब छ । सर्वियाले आफ्नो पहिलो खेलमा ब्राजिलसँग २–० गोलको हार ब्यहोरेको थियो । यता, क्यामरुनले भने स्वीट्जरल्यान्डसँग १–० गोलले पराजित भएको थियो ।