कतारमा जारी विश्वकप फुटबलको समूह ‘ई’ को जारी खेलमा जर्मनी र स्पेनलले पहिलो हाफसम्म गोलरहित बराबरी खेलेका छन् ।

कतारको अल बेत रंगशालामा जारी खेलको पहिलो हाफसम्म दुवै टिमले गोल गर्ने अवसर पाएपनि सदुपयो गर्न नसक्दा बराबरी खेलेका हुन् ।

खेलको ४०औँ मिनेटमा जर्मनीका एन्टोनियो रुडिगरले हेडर गोल गरे । तर त्यो गोलले मान्यता पाएन । भिडियो एसिस्टेन्ट रेफ्रि (भीएआर) ले रुडिगर अफसाइड भएको संकेत दिए । योसँगै जर्मनीले स्पेनविरुद्ध १–० गोलको अग्रता बनाउने मौका गुमाएको थियो ।

जर्मनीको लागि यो खेल ‘गर या मर’ को अवस्थामा छ । यदी जर्मनी यो खेलमा पराजित भए विश्वकपबाट बाहिरिनेछ । तर जर्मनीले स्पेनलाई पराजित गरे अथवा बराबरी खेलेमा पनि जर्मनीको विश्वकप यात्रा कायमै रहनेछ ।