कतारमा जारी विश्वकप फुटबल अतर्गत समूह ‘एफ’ को खेलमा क्रोएसिया र क्यानडाले प्रतिस्पर्धा गर्दैछन् ।
कतारको खालिफा अन्तर्राष्ट्रिय रंगशालामा क्रोएसिया र क्यानडाबीचको खेल आज (आइतबार) नेपाली समयअनुसार राति ९ः४५ बजे सुरु हुनेछ । क्रोएसिया बलियो टिम हो । यसअघि २०१८ को विश्वकपको उपविजेता बनेको क्रोएसियाले आफ्नो पहिलो खेलमा मोरोक्कोसँग गोलरहित बराबरी खेल्दै अंक बाडेको थियो ।
यता, क्यानडा भने आफ्नो पहिलो खेलमा बेल्जियमसँग १–० गोलले पराजित भएको थियो ।
दुवै टिमको लागि आजको खेल एकदमै महत्वपूर्ण रहेको छ । क्रोएसियाको एक खेलबाट एक अंक छ । यता, क्यानडा भने अंक विहीन छ । क्यानडालाई हराउँदै प्रिक्वार्टरफाइनलमा पुग्ने सम्भावनालाई बलियो बनाउने लक्ष्य क्रोएसियाको छ । क्यानडाको पनि विश्वकपको नकआउट चरणमा पुग्ने सम्भावना छ । क्रोएसियालाई हराएमा क्यानडाको पनि अन्तिम १६ मा पुग्ने बाटो खुल्नेछ ।
प्रकाशित मिति:आइतबार, मंसिर ११, २०७९ १२:५१
