विश्वकप फुटबलमा सनसनीपूर्ण जित निकालेको अर्को टिम हो, जापान । जर्मनीविरुद्ध ऐतिहासिक जित जापानको लागि एउटा इतिहास हो । त्यही इतिहासलाई साक्षी राखेर जापानले कोस्टारिकाविरुद्ध खेल्दैछ ।

समूह ‘ई’ मा रहेको एसियाली राष्ट्र जापानले विश्वकप फुटबलमा आज (आइतबार) कोस्टारिकाविरुद्ध अहमद विन अल रंगशालामा दिउँसो ३ः४५ बजे प्रतिस्पर्धा गर्दैछ । कोस्टारिकालाई पराजित गर्दै विश्वकपको प्रि–क्वार्टरफाइनलमा पुग्ने सम्भावनालाई बलियो बनाउने लक्ष्यमा जापान छ ।

यता, कोस्टारिका भने जापानलाई हराउँदै पहिलो जितको खोजिमा हुनेछ । कोस्टारिका यसअघि स्पेनसँग ७–० गोलले हारेको थियो । यता, जापानले भने चार पटकको विश्वकप विजेता जर्मनीलाई पहिलो खेलमा २–१ गोलले हराएको थियो । त्यही कारण जापानको मनोबल उच्च रहेको छ ।