ब्राजिलले कतारमा जारी विश्वकप फुटबलमा सर्बियाविरुद्ध अग्रता बनाएको छ । ब्राजिलका लागि रिचार्लिसनले गोल गरेका छन् ।

पहिलो हाफमा गोलरहित बराबरी खेलेको ब्राजिलले दोस्रो हाफमा गोल गर्दै अग्रता बनाएको हो ।

खेलको ६०औँ मिनेटमा एलेक्स सान्ड्रोले प्रहार गरेको बल पोस्टमा लागेर फर्किएपछि ब्राजिलले अग्रता बनाउने मौका गुमायो । तर खेलको ६२औँ मिनेटमा ब्राजिलले गोल गर्दै १–० गोलको अग्रता बनायो । ब्राजिलका लागि रिचार्लिसनले गोल गरे ।